-(e)an bidalia

Mutualex epaia 2023ko Ekaina

sentencia

Auzitegi Gorenaren epaia, 2023ko otsailaren 2koa, 4748/2019 Doktrina Bateratzeko Errekurtsoari dagokiona, zeinaren txostengile Mara Luz García Paredes andrea izan baita.

mazoa

Kasazio-errekurtsoan doktrina bateratzearen inguruan sortutako auziaren koska da zehaztea ea zurztasun-pentsio bat aitortu daitekeen onuraduna enplegu-zentro berezi batean zerbitzuak ematen ari denean, lanaldi osoko kontratu mugagabe batekin; kasu honetan, ONCErentzat, kupoi-saltzaile gisa.

Eskatzailea 1969an jaio zen eta 0,1etik beherako alde biko ikusmen-zolitasuna du haurtzarotik; hala, Kataluniako Generalitateak % 86,5eko desgaitasuna aitortu zion, 1985eko urriaren 14ko ebazpen baten bidez.

1998ko urtarrilaren 7tik, ONCEko saltzaile gisa egiten du lan.

Aita 2015eko abenduaren 1ean hil zitzaionez, zurztasun-pentsioa eskatu zuen baina Gizarte Segurantzako Institutu Nazionalak ukatu egin zion. Demanda jarri zuen eta Lan Arloko Epaitegiak ezetsi egin zuen, ulertzen baitzuen ONCErentzat lanean ari zela. Erregutze-errekurtsoa jarri zuen eta Kataluniako Justizia Auzitegi Nagusiak epaia eman zuen, 2019ko irailaren 26an, erregutze-errekurtsoa onartzeko, instantzia-epaia errebokatzeko eta auzi-jartzaileari zurztasun-pentsio bat jasotzeko eskubidea aitortzeko, 2016ko uztailaren 6an aurkezturiko eskaera baino 3 hilabete lehenagoko ondorio ekonomikoekin, eta 1.193,53 euroko oinarri arautzailearen % 20ko ehunekoarekin.

Gizarte Segurantzako Institutu Nazionalak kasazio-errekurtsoa jarri zuen, uste baitzuen ez zegokiola pentsio hori aitortzea, aita hil zenean eskatzailea zerbitzu profesionalak ematen ari baitzen, enplegu-zentro berezi batean izan arren.

Beraz, eztabaidaren muina izango da zer irismen eman behar zaion enplegu-zentro berezi batean lan egiten duen umezurtz batek duen lan-harreman bereziari, zurztasun-pentsioa jasotzeko eskubidea aitortze aldera.

Auzitegi Gorenak urriaren 30eko 8/2015 Legegintzako Errege Dekretuak onetsitako Gizarte Segurantzaren Lege Orokorraren testu bateginaren 224.1 eta 225. artikuluetan xedatutakoa aztertu du, baita prestazio hori 1967ko otsailaren 13ko aginduak arauturiko zurztasun-pentsioaren araubide juridikotik arautzearekin loturiko lege-aurrekariak ere. Adierazitako agindu horrek zurztasun-pentsioaren onuradun gisa aitortzen zituen adin jakin bateko adingabeak edo edozein lan egiteko desgaituta daudenak, 1994ko Gizarte Segurantzaren Lege Orokorraren 175. artikuluan eta hurrengoetan xedatutakora arte, 1647/1997 Errege Dekretutik eta Neurri fiskal, administratibo eta lan-arlokoei buruzko 66/1997 Legetik aurrera eginiko aldaketekin.

Eskabidea egiteko unean indarrean den zuzenbidea aztertuta ondorioztatzen da zurztasun-pentsioa jasotzeko eskubidea dutela, berdintasun-erregimenean, hildako kausatzailearen seme-alaba guztiek, haien filiazioa edozein dela ere, baldin eta heriotzaren unean 21 urtetik beherakoak badira edo lanerako ezgaituta badaude, eta kausatzailea altan edo altaren pareko egoera batean bazegoen edo pentsioduna bazen 217.1-c) artikuluaren arabera.


Adierazitako legearen 225.2 artikuluak, zurztasun-pentsioaren eta zurztasun-prestazioaren bateragarritasunari dagokionez, dio zurztasun-pentsioa bateragarria dela umezurtzaren lan-errentarekin, eta, zurztasun-pentsioa jasotzeko eskubidea duten lanerako ezgaitutako umezurtzei dagokienez, Gizarte Segurantzaren beste pentsio bat jasotzen dutenean ezintasun beragatik, bata edo bestea aukeratu ahal izango dutela ezartzen du.

Auzitegi Gorenak, araubide juridiko arauemailea interpretatuta, nabarmentzen du zurztasun-pentsioaren araubideak ez duela eskubidea aitortzeko baldintza gisa jartzen onuraduna (izaera hori izateko aukera ematen duen kasuetan) ez dadila egon inoren konturako zerbitzurik ematen, ez egoera horren hasieran, ez egoera horri eusten zaion bitartean; izan ere, salak zurztasun-pentsioari buruz duen doktrinak ezarri izan du pentsio horrek ordeztu egiten dituela kausatzailearen heriotzagatik onuradunek jasotzeari uzten dioten errentak (jasotzeari uztean kaltea jasaten dute, haien sarrera-iturrietako bat desagertzen baita).

Horrenbestez, Auzitegi Gorenak dio ezen, zalantzan jartzen duena enplegu-zentro berezi batean zerbitzuak emateak izan dezakeen eragina bada, bat datorrela Kataluniako Justizia Auzitegi Nagusiaren irizpidearekin; hark enplegu-zentro berezitzat jo zuen eta hortaz, hondar-lan gisa har daiteke, eta ez du esan nahi lanerako gaitasuna duenik, ez baitu lan-merkatuan lanbide bat osoki betetzeko behar adinako hondar-gaitasunik (are gehiago epaiaren oinarri faktikotik aintzat hartzen badugu langileak zuen minusbaliotasun-maila handia, zeinak, bestalde, erabat justifikatzen baitu gure ordenamendu juridikoak eskatzen duen lanerako ezintasuna).

Beraz, kasu bakoitza eta haren inguruabarrak aztertu beharko dira, baina enplegu-zentro berezi batean zerbitzuak ematea ez da eskubidea ukatzeko arrazoia.

Raquel Martínez Balbás 

Letrada de la Asesoría Jurídica de Mutualia

-(e)an bidalia

Kontsulta juridiko 2023ko Ekaina

consulta

Ezintasun iraunkor oso kualifikatuaren % 20ko gehikuntza

Aitortzearen atzera-eragina iritsi al liteke eskatu aurreko hiru hilabeteetara edo 55 urte betetzen diren unera, une horretan igoera lortzeko baldintza guztiak betetzen badira?

kontsulta

Ekainaren 21eko 24/1972 Legearen 11.4 artikuluak sartu zuen % 20ko gehikuntza, eta, gaur egun, Gizarte Segurantzaren Lege Orokorraren 196.2 artikuluan txertatuta dago (8/2015 Legegintzako Errege Dekretua, urriaren 30ekoa). Lege horren manuek, ezintasun iraunkor osoaren gehikuntza hori lortzeko adin jakin bat izateko baldintza ezartzeaz gain, interesdunak ezintasun iraunkor osoa aitortu zitzaionaz bestelako jarduera batean beste enplegu bat lortzeko zailtasunak dituela uste izatera eramaten duten beste inguruabar batzuk egotekoa ere ezartzen du.

Argi dago gehikuntza horrek ez duela prestazio berri bat eratzen, ezintasun iraunkor osoaren osagarri bat besterik ez baita; horregatik, ez du bizitza propiorik, mendekoa da, baina lege-testuak badu nolabaiteko autonomia dagokion lege-tratamenduan; izan ere, baliaezintasun-maila bat ez bada ere, ezta prestazio independente bat ere, kontua da hura eskuratzeko baldintzetan eta haren dinamikan izaera espezifikoa duela eta horrek hurbildu egiten duela haren araubide juridikoa prestazio bati dagokion araubidera, eta, horregatik, alderdi batzuetan Gizarte Segurantzaren benetako prestazio baten arauak aplikatu ahal zaizkio.

Beraz, % 20ko gehikuntza prestazio-izaerako osagarria izanik, nahiz eta prestazio bat ez izan, Gizarte Segurantzaren Lege Orokorraren 53.1 artikuluan aurreikusitako araubide juridikoa aplikatu behar zaio. Izan ere, aitortzearen atzera-eragina hedatzen da eskaera egin zen dataren aurreko 3 hilabeteetara, eta, beraz, beti izango da beharrezkoa igoera hori eskatzea, eta ez da automatikoki aplikatuko adina betetzearekin, Auzitegi Gorenaren 2020ko martxoaren 22ko epaiak, 279/2020 Doktrina Bateratzeko Kasazio Errekurtsoan emandakoak, gogorarazten duen bezala.

Raquel Martínez Balbás 

Mutualiaren Aholkularitza Juridikoko letradua

-(e)an bidalia

Bero-kolpea. Araudi berria

Udarekin batera, tenperatura altuak iristen dira, eta gehiegizko beroak langileengan eragina izan dezake. Gorputzak berora egokitzeko berezko mekanismoak ditu, baina, tenperatura oso altua denean, bero-kolpe bat gerta daiteke, eta ondorio larri edo oso larriak eragin osasunerako.

Oraintsu argitaratu da 4/2023 ERREGE LEGE-DEKRETUA, maiatzaren 11koa, zeinak apirilaren 14ko 486/97 Errege Dekretua aldatzen baitu, lantokietako segurtasun eta osasunari buruzko gutxieneko xedapenak ezartzen dituena, eta aire zabaleko lanetako lan-baldintzei buruzko xedapen gehigarri berri bat jasotzen duena.

Hori dela eta, Enpresako zuzendaritzak arriskuen ebaluazioan jaso beharko du fenomeno meteorologiko gogorren eraginpean egoteari dagokion guztia, zenbait jarduera-sektoretan, hala nola eraikuntzan, nekazaritzan, abeltzaintzan, ostalaritzan, lorezaintzan, garbiketan eta hondakinen bilketan, baita aire zabalean egiten den edozein lan-motatan ere. Halaber, langileen esku jarri beharko ditu prebentzio-neurri egokiak, baita neurri horiek abian jartzearen inguruan sentsibilizatu ere.

Espainiako Meteorologia Agentziak (AEMET) edo, hala badagokio, erkidegoko organoak (EUSKALMET Euskal Autonomia Erkidegoan, METEOGALICIA Galizian edo METEOCAT Katalunian), maila laranja edo gorriko fenomeno meteorologiko gogorren abisua ematen badu eta ezin bada bestela bermatu langileen babes egoki bat, neurri horien artean jasotzen da ordu horietan zenbait lan egiteko debekua, baita lan-baldintzak egokitu beharra ere, aurreikusitako lanaldiaren jardun-orduak murriztea edo aldatzea barne. 

Mutualiatik, arlo honetako betebeharrei eta gomendioei buruzko informazio-fitxa bat jarri dugu enpresen eskura.

Langileei zuzendutako informazio-fitxa bat ere egin dugu, sintomak eta prebentzio-neurriak ezagutzen laguntzeko.

Bestalde, Laneko Segurtasun eta Osasunerako Europako Agentziak NAPOko klip bat argitaratu du, estres termikoa nola saihestu jakiteko.

-(e)an bidalia

Praktikaldiko kotizazioa 2023ko urriaren 1etik aurrera

Pentsioen erreformari buruzko martxoaren 16ko 2/2023 Errege Lege Dekretuan, zeina 2023ko urriaren 1etik aurrera aplikatuko baita, Gizarte Segurantzaren sisteman sartu dira prestakuntza-programen barruko prestakuntza-praktikak eta praktika akademikoak egiten dituzten ikasleak.

Hala, praktikaldian dauden bekadun guztiek kotizatuko dute 2023ko urritik aurrera, praktika ordainduak nahiz ordaindu gabeak egiten dituztela ere.

Zer ikasleri eragingo die?

Unibertsitateko ikasleek egiten dituztenak, bai graduko, masterreko eta doktoretzako titulu ofizialak lortzekoak, bai unibertsitatearen beraren titulu bat lortzekoak, dela etengabeko prestakuntzako master bat, espezializazio-diploma bat edo aditu-diploma bat.

Lanbide-heziketako ikasleek egiten dituztenak, betiere ez badira egiten lanbide-heziketa trinkoaren erregimenean.

Praktikak egiten dituzten pertsonak besteren konturako langileen pareko gisa jasoko dira Gizarte Segurantzaren Araubide Orokorrean, sistema bereziak kontuan hartu gabe, salbu eta praktika edo prestakuntza ontzietan egiten bada; halakoetan, Itsasoko Langileen Gizarte Segurantzako Araubide Berezian sartuko dira.

Atzeraeraginezko izaera du?

Arauan ezartzen denez, xedapena indarrean sartu aurretik (2023ko urriaren 1a) hartan adierazten diren egoeran zeuden eta xedapenean erreferentzia egiten zaien pertsonek hitzarmen berezi bat sinatu ahalko dute, behin bakarrik eta Inklusioko, Gizarte Segurantzako eta Migrazioetako Ministerioak zehazten dituen epean eta baldintzetan, xedapena indarrean sartu aurretik, gehienez ere bi urtez, egindako praktika ez-laboralak eta praktika akademikoak kotizazioko zenbaketan sartu ahal izateko.

-(e)an bidalia

MUTUALIA TOPAKETAK: Nola kudeatu laneko absentziak

Maiatzaren 31n, “Laneko absentzien kudeaketa, funtzionatzen duten esperientziak” izeneko jardunaldia egin zen Bilbon, Mutualiak antolatuta, “Enpresa elkartuen Mutualia Topaketen” barruan.

Mutualia topaketak jardunaldi-formatu berri bat dira, eta Mutualiak gaurkotasuneko gaiak lantzen ditu haietan. Halaber, zenbait enpresari gonbita egiten zaie enpresa-kudeaketan eta zenbait arlotan funtzionatu duten esperientziak azaltzeko, ideia berriak eta/edo ikuspuntu desberdinak eskaintzeko.

Jardunaldiaren hasieran, Mutualiaren egungo egoera aztertu da, eta, ondoren, bi enpresa mutualistak (URGATZI eta MUBEA) beren esperientzia azaldu dute, SOLUTIA GLOBAL HEALTHekin batera.

Katalin del Campo mendekotasunari eta gizarte-bazterketari arreta emateko laguntza-baliabideen prestazio eta kudeaketa integralean espezializatuta dagoen URGATZI enpresaren Garapen, Enplegu eta Talentuko arduraduna da. Zenbait gairi buruz aritu da, hala nola entzuteko guneak ezartzeaz, pertsonen beharrak ezagutzeko, pertsonen inplikazioa lantzeko inkestak prestatzeaz eta erdi-mailako arduradunak absentziak jakinarazteko protokoloetan prestatzeaz, laneko absentzien murrizketan plantillaren aintzatespen eta inplikazio handiagoa ekarri duten elementuak izateagatik.

Javier Alcubillak, automobilaren industria hornitzen duen MUBEA enpresako Giza Baliabideen zuzendariak, MUBEA enpresak absentziengatik galdutako egunak kontrolatzeko egin dituen aurrerapenen berri eman digu. Horretarako, zenbait ekintza jarri ditu abian, hala nola absentziak kudeatzeko protokolo berriak garatzea, absentziaren aurreabisurako prozedura ezartzea, komunikaziorako espazio berriak sortzea eta absentismoari buruzko adierazleak doitzea eta birdefinitzea, hori guztia Plan Estrategikotik sustatutako Ekintza Plan baten esparruan.

SOLUTIA GLOBAL HEALTHen aldetik, César Castelek Absentzien Kudeaketako oinarrizko printzipioak azaldu ditu, hala nola enpresaren zuzendaritza inplikatzearen garrantzia, langileen esku dagoen erabaki-balantza edo etengabeko komunikazioari eusteko interesa, kudeaketa-moduetan izaten diren aldaketak enpresan pixkanaka errotzeko, laneko arriskuen prebentzioaren arloan arrakastaz egin dugun moduan.

Azkenik, Mutualiak Absentzien Prebentzio eta Kudeaketarako Planaren eredu bat aurkeztu du, Gidan (2019) oinarritua. Horretan, beste berritasun batzuen artean, barne hartzen da lau protokolo-eredu ezartzea, enpresei metodologia hori beren erakundeetan txertatzen laguntzeko. Plan horren bertsio informatikoaren aurrerapen bat ere ikusi ahal izan dugu, laster eskuragarri izango dena enpresa elkartuentzat.

-(e)an bidalia

MutuaLex 251 zk.

mutualex

Interes orokorreko xedapenak, buletinetan argitaratuta (E.A.E., E.H.A.A., A.L.H.A.O., B.A.O., G.A.O. eta E.B.A.O.), 2023ko maiatzaren 27tik ekainaren 02rako astea.

-(e)an bidalia

INGURUMENAREN MUNDUKO EGUNA: “Plastikoek eragindako kutsadurarik gabe”

plastico 2023

2023ko Ingurumenaren Munduko Eguneko “Plastikoek eragindako kutsadurarik gabe” kanpainak dei egiten du soluzioak ezartzeko plastikoaren erabilerak eragindako kutsadurari amaiera emateko.

Mutualiak, ingurumenean duen eragina murrizteko beste urrats batean eta plastikoa murrizteko helburuaren barruan, hainbat ekintza egin ditu, hala nola:

  • Plastikozko poltsak paperezko, oihalezko eta konposta egiteko materialezko poltsekin ordeztea
  • Plastikozko botilatxoak eta ur-botilatxoak kentzea
  • Bezeroei ematen zaizkien kudeaketa-karpetetan material birziklagarria erabiltzea

Baina ez da nahikoa materialak ordezkatzea. Lehenengo jarraibidea plastikoaren alferrikako erabilera murriztea da, batez ere erabilera bakarrekoa, ekonomia zirkular baterantz aurrera egiteko, hiru jarraibide hauek konbinatuz: berrerabiltzea, birziklatzea eta plastikoarekiko alternatiba iraunkorretarantz birbideratzea eta dibertsifikatzea.

Funtsezkoena kontsumo arduratsuari eustea da, inpaktu negatiborik ez sortzeko, eta gogoraztea hondakinik onena sortzen ez dena dela.

Campana-ONU-para-el-medio-ambiente

ONU ingurumen kanpaina

-(e)an bidalia

Kontingentzia arruntengatiko aldi baterako ezgaitasun-egoera berezi berriak

Sexu- eta ugalketa-osasunari eta haurdunaldia borondatez eteteari buruzko martxoaren 3ko 2/2010 Lege Organikoa aldatzen duen otsailaren 28ko 1/2023 Lege Organikoaren azken xedapenetako hirugarrenak aldaketak ekarri ditu Gizarte Segurantzari buruzko Lege Orokorraren (GSLO) testu bateginera, kontingentzia arruntengatiko aldi baterako honako ezintasun-egoera berezi hauek sortzeari dagokionez:

  • Bigarren mailako menstruazio ezgaitzaileagatiko ABEa
  • Haurdunaldia borondatez eteteagatiko ABEa
  • Emakume langilearen haurdunaldiagatiko ABEa, hogeita hemeretzigarren asteko lehen egunetik hasita.

Eskubidearen sorrera eta iraupena
Bigarren mailako menstruazio ezgaitzaileagatiko aldi baterako ezintasun-egoera berezian, subsidioa Gizarte Segurantzaren kargura ordainduko da, laneko bajaren egunetik.
Beste bi kasuetan, subsidioa Gizarte Segurantzaren kargura ordainduko da, laneko bajaren hurrengo egunetik, eta enpresaburuaren kontura izango da bajaren egunari dagokion soldata osoa.

-(e)an bidalia

Eskuderia bat nabarmendu da Euskal Selekzioen artean

logo-ekfb

Euskal Kirol Federazioen Batasunaren sail honetatik duela pare bat hilabete iragarri genuen jada euskal kirol-selekzioek hainbat modalitatetan parte-hartzearen aldeko apustua egingo genuela. Eusko Jaurlaritzaren, UFDV-EKFBren, tokiko erakundeen eta euskal federazio eta elkarteen arteko lankidetzak Euskal Selekzioen presentzia ahalbidetzen du, euskal kirola sustatzeko giltza bat. 2023rako aurreikusitako jardueren artean, euskal kirol-selekzioen historiako urterik aktiboenetako batean, nabarmentzekoa da bigarren urtez presentzia izango duela Euskal Selekzioa eskuderiak, Joseba Iraola pilotu bizkaitarra buru dela, zeinak hainbatetan izan baitu arrakasta. Balmasedakoak, orain arte, Rampa da Falperran (Portugal), Fitoko Igoeran (Asturias), Rechberg-en (Austria) eta Saint Jean du Gard-Col Saint Pierren (Frantzia) hartu du parte. Eta proba horietan guztietan egon da podiumean. Iraola liderra da bere klasean automobilismoko mendiko lasterketen Europako Txapelketan, lehiaketa-hasiera ikusgarria eginda. “Oso ondo ari gara hartzen erabakiak taldean, eta dena primeran ateratzen ari da, oso postu onekin. Lehendabiziko postuan gaude jadanik gure kategoriako Europako Txapelketan. Lehia estuko lasterketak izan ditugu, gozagarriak oso, arerio bikainekin, duelu ikusgarri eta berdinduetan”, adierazi du Joseba Iraolak. Euskal Kirol Federazioen Batasunak eta Euskal Automobilismoko Federazioak, Eusko Jaurlaritzaren lankidetzarekin, lau agertokitan parte hartu duen eta lau bider podiumera igo den automobilismoko eskuderia hau babesten dute. Portugalen lortutako azken emaitzak sailkapen orokorreko bigarren postuanutzi du Joseba Iraola, postu hori Petr Trnka txekiarrarekin partekatuta. Biek dute puntu-kopuru bera (86, Merli italiarraren 100en kontra) eta emaitza berberak, bi bigarren postu eta bi hirugarren postu.

Horrez gain, Euskadiko futbol-selekzio amateurra itzuli zen lau urtez jokatu gabe egon ondoren, Lasesarren partida irabazita. Irlandako Errepublikari 1-0 irabazi zion Eskualdeetako Koparako lagunarteko prestakuntza-partidan. Euskal taldea, Hirugarren Federazioan jokatzen duten futbolariek osatua, alderik txikienarekin gailendu zen, lehen zatian nagusitasun nabaria erakutsita; gero ezin izan zion nagusitasun horri eutsi, jokalari bat kaleratu ziotelako.

Bestalde, Espainiako Mendiko Lasterketen Ultra Txapelketan, Euskal Selekzioa txapeldunorde izan zen emakumezkoetan, talde-lanari eta euskal lehiakide guztiek emandako lasterketa-kudeaketako lezio bati esker, helburuak xehe-xehe zehaztuta. Waterpoloko 14 urtez azpikoen Euskal Selekzioa da distira egin duen beste talde bat, Tomoko Nazioarteko Txapelketan (Kroazia) final-laurdenetarako sailkatu baitzen. Euskal taldeko gazteak onenetakoak izan ziren Dubrovniken, eta txapelketaren azken fasean sartu ziren, Europa osoko selekzioekin lehian. Talde-fasean garaipena lortu zuten partida guztietan.

Dagoeneko iragar daiteke eskubaloiko Euskal Selekzio seniorraren itzulera. Ekainean lagunarteko hiru partida jokatuko ditu Finlandiaren aurka. Lehena Gasteizen (23an), bigarrena Zumarragan (24an) eta hirugarrena Tolosan (25ean). Halaber, azarorako beste topaketa batzuk prestatzen ari da —neskenak—, eta 2024ko urtarrilerako gizonezkoen selekzioa berriro ere.

Horrez gain, UFDV-EKFBk EuskalkirolaKluba jarri du martxan, non erosketetan modu seguruan aurreztu baitaiteke. Deskontuak daude milaka artikulutan eta mota guztietako esperientzietan. Erosiz gero, itsulapiko birtual batean gordetzen diren diru-itzultzeak lortzen dira. EuskalkirolaKlubarekin, deskontuak lehenen mailako marketan baino ezin dira lortu. Klubaren webgunetik edo aplikaziotik sar daiteke dendetara, jatetxeetara, aisialdira, prestakuntzara, teknologiara, bidaietara, elikadurara, osasunera… Ez dago federatua izan beharrik EuskalkirolaKlubaren abantailez gozatzeko.

-(e)an bidalia

Prebentziozko Begiradak argazki erakusketaren maileguarekin hasiko gara berriro

Erakusketa ikus-eragin handiko 43 argazkik osatzen dute, segurtasunari eta osasunari buruzko kontzientziazio-mezuekin batera.

Etenaldi baten ondoren, berriro jarri da martxan Prebentziozko Begiradak erakusketaren mailegua.

Ibilbide berri honetan, Mutualiak antolatutako Lan Arriskuen Prebentzioari buruzko Argazki Lehiaketan parte hartu dutenen argazki berriak gehitu dira.

43 argazkiekin eta horiekin batera doazen mezuekin, Mutualiak gizartearen begirada finkatu nahi du laneko istripu eta gaixotasunen problematikan, guztion artean lan-ingurune seguruagoak eta osasungarriagoak lortu behar ditugula kontzientziatuz eta barneratuz.

Prebentziozko Begiradak hainbat formatutan eskura ditzakete enpresa mutualistek, erakusketa-zentroetan erakusteko. Adibidez, duela gutxi, erakusketa Euskalduna Jauregian egon da, Osalanek antolatutako Segurtasun eta Osasunari buruzko Nazioarteko V. Biltzarrean, eta apirilaren 28ko Laneko Segurtasun eta Osasunaren Munduko Egunarekin bat eginez bi enpresa mutualista hauetan izan da: Euskaltel eta EASO Politeknikoa.

Erakusketaren maileguari buruzko informazioa jasotzeko: Mutualiako Prebentzio Aholkularitza, prebentzioa@mutualia.eus

Miradas de prevención 43 fotografías de la exposición