Pasa den uztailaren 6an, Madrilgo Caixa Forum eraikinean, • X. Alares sariak emateko ekitaldia ospatu zen; norberaren bizitza, familiarena eta lanekoa bateragarri egitea eta gizarte-erantzukizuna aitortzen dituena. Horrez gain, • V. Alares Sari Nazionalak ere eman zituzten, desgaitasunen bat duten pertsonentzako lan-arriskuen prebentzioen bikaintasuna aitortuz.
Erakunde, enpresa, gizarte-eragile, zuzendari, irakasle, ikertzaile eta komunikabide ugari ari dira ahalegina egiten norberaren bizitza, familiarena eta lana bateragarri egitearen eta gizarte-erantzukizunaren alde, eta, hain zuzen ere, horiek egiten duten lana aitortzeko eta gizartea sentsibilizatzeko ematen dira aipaturiko sariak. Gure herrialdean familia-bizitza eta lana bateragarri egiteko eginkizunaren ordezkari garrantzitsuenak elkartu ziren ekitaldian; laurehun pertsona inguru.
Alares Fundazioak Norberaren bizitza, familiarena eta lana bateragarri egiteko eta gizarte-erantzukizunerako X. Sari Nazionalarekin saritu dituenen artean, honako hauek daude: la Sextako «Salvados» programa eta Cadena SERirratiko «Hoy por Hoy» saioa. Sariak dagozkien kategorietan eman dira;
alde batetik, «Salvados» «ikus-entzunezko programak edo informazioa» kategorian saritu dute, martxoaren 6an eman zuten erreportajearengatik, «Nolakoa da familia eta lana bateragarri egitea?» izenburukoa; eta, bestetik, Prisa Taldeko irratia ‘Komunikabideak’ kategorian saritu dute, «Hoy por Hoy» programarengatik; Pepa Bueno eta Gemma Nierga dira irratsaio horren aurkezle. Euskal Telebistako Adolfo Añibarrok accesita jaso zuen ikus-entzunezko kategorian, «Sin ir más lejos» programarengatik.
Erakundeen kategorian, Drodoko Udala (A Coruña) aukeratu zuten; «enpresa handia» kategorian, Ford España; «enpresa ertaina»n, San Cebrián Fundazioa; «enpresa txikia»n , Quinton Laborategiak; «gizarte-agente» kategorian, CEIM; eta «zuzendariak» kategorian, Rosa Allengue Murcia. Rocío Ramos-Paulek (SuperNanny programa) sarituen izenean hitz egin zuen, eta «rolak aldatzeak» eta bateragarri egitea sustatzeak duen garrantzia aipatu zuen, «familia eta lana elkarrekin hartu behar direlako».
Sari horiez gain, UNEDek «unibertsitateak, negozio-eskolak, eta beste hezkuntza- eta ikerketa-erakunde» kategoriako saria jaso zuen, desgaitasunen bat duten ikasleentzakodituen praktika profesional birtualengatik; eta José María Fernández Crehuetek «irakasle eta ikertzaile» kategoriako saria jaso zuen.
Halaber, desgaitasunen bat duten pertsonentzako lan-arriskuen prebentzioen bikaintasuna aitortzen duen Alares Sari Nazionaleko V. edizioko saridunak honako hauek izan ziren: «pyme» kategorian, Apsa elkartea; «enpresa handia»n, Emergia; «erakundeak» kategorian, Laneko Segurtasun eta Higienerako Institutu Nazionala (INSHT); eta «LAP profesionala» kategorian, Mantequerías Ariasko Jorge Prieto Grana doktorea.
Ekitaldian zehar, agerian utzi zen langileek bateragarri egiteko programen inguruan eman duten balorazio positiboa eta gizarte-erantzukizunean inbertitzeak duen garrantzia, gero eta indar handiagoa hartzen ari baita. Horren bidez, adierazten da enpresa-arrakasta, lehiakortasuna eta elkartearekiko konpromisoa bide berean doazela.
Javier Benavente Barrón jauna, Alares Fundazioko presidentea, izan zen ekitaldiari hasiera eman ziona. Bere hitzaldian, bateragarri egiteko programak ezartzeak duen eragin positiboa nabarmendu nahi izan zuen; izan ere, laneko bajak % 12,6 murrizten dira, langileei denbora aurrezten zaie, eta, beraz, enpresari berari ere on egiten dio.
«Familia eta lana bateragarri egiten duen enpresa batek» bestelakoek baino % 15 hautagai gehiago erakartzen ditu, eta langileen konpromisoa ere % 15 hobetzen du; enpresaren irudian eragina izaten du baita ere: % 37 hobetzen da enplegatzaile-marka. Gainera, langileen % 99k «oso positiboki» baloratzen du.
Hasierako hitzaldia Ángel Jurado jaunak eman zuen, Laneko zuzendari nagusi eta IRSSko gerenteak.
Mar Aguilerak, Alares Fundazioko patronatuko idazkariak, epaimahaiaren erabakia irakurri zuen, sarietara aurkeztu ziren 392 hautagaitzen kalitate eta profesionaltasunanabarmenduz.
Ekitaldiari hasiera eman ostean, Laneko zuzendari nagusi eta IRSSko gerentea eta Alares Fundazioko presidentea sari-banaketarekin hasi ziren.
Bertaratu zirenen artean, honako hauek zeuden: Carlos de Aragón Balboa jauna, abokatua; Carlos Verneuil jauna, ekonomialari eta zerga-aholkularia; Fernando Moreno jauna, Alares Fundazioko patronoa; José Manuel Morán jauna; Manuel de la Torre jauna, zientzialari eta neurokirurgialaria; Mar Aguilera andrea, Alares Fundazioko zuzendari nagusia;Mª Eugenia Girón Dávila andrea, Diversidad Fundazioko presidentea; eta Bakearen Mezulariak-eko aita Ángel. Pertsona horiek ezagunak dira enpresa-munduan; izan ere, anonimatuan eta modu altruistan, gizartea hobetzera zuzentzen dute haien denbora.
Horiez gain, alde batetik, bateragarri egitearekin eta erantzunkidetasunarekin konprometituta dauden enpresen arduradunak zeuden (adibidez, Repsol eta Iberdrolakoak),eta, bestetik, Unibertsitatea; eta sariak jasotzen zituztenen merituak aipatu zituzten. Dña. Isabel Fernández Alba andrea, Repsoleko kultura korporatibo, garapen eta komunikazioko zuzendaria, eta Laura García-Camba andrea, Iberdrolako gizarte-proiektuetakoa, arduratu ziren aipamen horiek egiteaz.
Sariak ekimen positiboen eta ezinbesteko tresnen adibide dira, Espainia pertsonen bizitza-kalitaterako, aukera-berdintasunen eta enpresa-lehiakortasunaren alde lan gehien egiten duten herrialdeen buru izatera heldu ahal izateko.
Ángel Rielo jauna, aktore eta bakarrizketalaria, izan zen ekitaldiaren aurkezlea. Enrique Arce jaunak, Diversidad Fundazioko nagusiak, eskerrak emanez eman zion amaiera ekitaldiari.
