Mutualiak bat egin du 2025eko Tabakorik Gabeko Mundu Egunarekin

29 maiatza, 202529 maiatza, 2025-(e)an

Mutualiak bat egin du 2025eko Tabakorik Gabeko Mundu Egunarekin

Mutualiak bat egin du Tabakorik Gabeko Mundu Egunaren ospakizunarekin, alegia, maiatzaren 31n egiten den mundu mailako ekimenarekin. Egun horren helburua da herritarrak tabakoa kontsumitzeari lotutako arriskuez kontzientziatzea eta kontsumoa murrizteko politika eraginkorrak sustatzea.

OMEk 2025eko Tabakorik Gabeko Mundu Egunaren kanpainaren leloa iragarri du: «Mozorroa kendu diezaiogun bere erakargarritasunari: industriak tabakoarekin eta nikotinarekin darabiltzan estrategiak agerian». Gai hori aukeratu da osasun publikoaren erronka nagusietako bati aurre egiteko: tabakoaren eta nikotinaren erakargarritasunari aurre egitea, batez ere publiko gaztearen artean. Tabako-industriak hainbat estrategia erabiltzen ditu tabakoaren kontsumoa sustatzeko, gazteei bereziki zuzendutako kanpaina erakargarrien bidez. Horren ondorioz, pertsonak tabakismoan has daitezke gazte-gaztetan, eta horrek bizitza osorako mendekotasuna eta osasunerako ondorio larriak ekar ditzake.

Tabakismoa ohitura kaltegarria da osasunarentzat, eta hainbat gaixotasuni lotutako arrisku-faktoretzat jotzen da. Enpresa osasungarrien politiketan, funtsezkoa da erretzeari uzteko sentsibilizazio-kanpainak egitea. Eta, horretarako, funtsezkoa da tabakismoa adikzio bat dela ulertzea.

Prebentzioak, kontsumitzen hastea ekiditea ez ezik, erretzeari uztea sustatzea ere badakar. Erretzaileen kasuan, osasunerako arrisku larriak prebenitzeko, ezinbestekoa da erretzeari uztea. Erretzaile gehienak jakitun dira arriskuez, eta utzi egin nahi dute. Baina laguntza behar da erretzeari uzteko eta abstinentzia-sindromeak izan ditzakeen eraginak kontrolatzeko: suminkortasuna, haserrea, frustrazioa, nekea, insomnioa, eztula, zorabioak, buruko mina, antsietatea, kontzentrazio falta, idorreria, urdaileko mina, jateko gogoa handiagoa eta abar.

Osakidetzak eraginkortasun frogatuko metodoak ditu erretzeari utzi nahi dioten pertsonak artatzeko eta haiei aholku emateko; zenbait baliabide ematen ditu, hala nola hezkuntza-materiala eta hainbat programa, barne hartzen dutenak aurrez aurreko tratamendua, urruneko tratamendua edo tratamendu mistoa.

15 maiatza, 202513 maiatza, 2025-(e)an

EUSKARALDIA MUTUALIAN

Mutualiak, aurreko hiru edizioetan bezala, oraingoan ere bat egingo du Euskaraldiarekin. Edizio berri hau maiatzaren 15ean hasiko da eta hamaika eguneko iraupena izango du. Aurtengo lema “Elkar mugituz egingo dugu” da. Egun horietan hainbat lankidek txapa jantzi (ahobizi edo belarriprest txapa) eta ariketa masiboan parte hartuko du, bakoitzak dagokion rolean.

Mutualiaren helburua da euskararen erabilera areagotzea pertsonen eta bezeroen artean. Horretarako, euskara eragile bat eta Euskara Taldearen euskarria ditu, eta horiek euskararen praktikei buruzko hausnarketa egingo dute, barnekoak zein kanpokoak, eta hainbat ekimen proposatuko dituzte.

Euskaraldiaren edizio berri honetan, joera digital berriekin bat egingo dugu eta, ekimen batzuen artean, ahobizi edo belarriprest digitala aktibatzea proposatuko dugu. Mutualiak dagoeneko erabiltzen ditu euskararen erabilera sustatzeko zenbait tresna digital, hala nola euskarazko webgunea, .eus domeinua, euskarazko sare korporatiboen erabilera, euskarazko nabigatzailea, eta, horrez gain, barne-plataforma bat ere badu, non erabiltzaile guztien esku dagoen teknizismo espezifikoak dituen glosarioa eta baita itzultzaile neuronalak, hala nola Itzultzaile Neuronala edo Elia (Elhuyar).

Urte osoan zehar, eta batez ere hamaika egun hauetan, gizarte-mugimenduarekin bat egingo dugu, pertsona guztien hizkuntza-ohiturak aldatzeko eta gure bizitza euskaraz izatea ahalbidetuko duten neurriak eta espazioak sortzeko.

12 maiatza, 20259 maiatza, 2025-(e)an

Zaintzen gaituztenak zainduz: Erizaintzaren esentzia Mutualian

Maiatzaren 12an Erizaintzaren Nazioarteko Eguna ospatzen da. Mutualiak bat egiten du Erizainen Nazioarteko Kontseiluak aurtengo hautatutako leloarekin: “Gure erizainak. Gure etorkizuna. Erizainak zainduz ekonomia indartzen dugu”. Izan ere, aurtengo leloak erizainen osasunean eta ongizatean eta horrek ekonomian eta osasun-sistemetan duen eragin positiboan jartzen du arreta.

Mutualiaren hiru ospitaleetan eta anbulatorioetan, 130 erizain profesionalek baino gehiagok egiten dute lan egunero pazienteak zaintzen eta artatzen. Erizaintzako Zuzendaritzak asistentziaren kalitatea eta praktika kliniko bikaina bermatzen ditu, eta, gainera, konpromisoa du erizainen garapen profesionalarekin.

Izan ere, etengabeko prestakuntza funtsezkoa da Mutualian asistentziaren kalitatearen bikaintasuna eta pazientearen segurtasuna bermatzeko. Horregatik, Mutualiako erizainek diziplina anitzeko zenbait talde zuzentzen dituzte, eta pertsonen zaintzari, arretaren humanizazioari eta pazientearen segurtasunari lotutako proiektu berritzaileak bultzatzen dituzte.

Erizainen Nazioarteko Kontseiluaren txosten batek aditzera ematen duenez, badira zantzu batzuk erizainen ongizatearen krisi global gero eta handiago batez ohartarazten dutenak. Halaber, azpimarratzen du garrantzitsua dela erizainei babesa ematea, “ez soilik zuzenena delako, baizik eta modu bakarra delako osasun-sistema, ekonomia eta gizarte indartsu eta erresilienteak eraikitzeko. Mutualiak konpromiso argia du bere pertsonen zaintzarekin. Horregatik, Mutualiako erizaintzako taldeak ere parte hartu du María Egea Carro erizain eta Deustuko Unibertsitateko doktoregaiak egindako doktore-tesian: “Erizainen funtzionamendu psikosozial eta laboralerako, bizi-kalitaterako eta ongizaterako arrisku- eta babes-faktoreak”. Haren helburu nagusia da erizainen bizi-kalitatea eta ongizatea aztertzea; Mutualiako erizainena, bereziki.

Erizaintzaren Egun honetan, ezin dugu aipatu gabe utzi Frantzisko Aita Santuak egindako hausnarketa, esan baitzuen erizainak “itxaropen-aingeruak” direla. Haien ezagutza zientifiko-teknikotik harago, jendea entzuten, ulertzen eta kontsolatzen egunero egiten duten ahalegin biziak pertsona guztien osasuna zaintzeko egiten duten bokaziozko lanari buruz hausnartzeko bidea ematen digu. Maiatzaren 12 honetan, Mutualiak bere esker ona adierazi nahi die erizain guztiei, harremanaren bidez gizartea humanizatzen eta etengabe hartaz arduratzen egindako ekarpenagatik.

8 maiatza, 20257 maiatza, 2025-(e)an

0BIDEAN 2025 SARIAK

0Bidean 2025 Saria jaso dute CENTRAL FORESTAL (Smurfit Westrock) eta TRELLEBORG IZARRA SAU enpresek, laneko istripuak murrizteko egindako lan bikainagatik eta zero istripuko azken helburuarekin lan egiteagatik.

Sari hori banatzeko, Mutualiako Prebentzio Aholkularitzak 30 langile baino gehiagoko bere enpresa elkartuen azken 10 urteetako istripu-tasari buruzko datuak aztertzen ditu urtero, eta, sektorez sektore, honako irizpide hauek betetzen dituzten enpresarik onenak hautatzen ditu:

Bere jardueraren urteko intzidentzia-indizea gainditu ez izana, eta, gainera, laneko istripuen tasan beheranzko joera izatea.

Istripu larri edo hilgarrien berri eman ez izana.

Prebentzioa kudeatzeko sistema aurreratu bat izatea, legez ezarritakotik harago doana.

Zeremonia Gasteizko Mutualiako Erabakimen Handiko Ospitalean egin da, Mutualia Sariak banatzeko ekitaldian, erakundearen 125. urteurrenarekin bat eginez. Ekitaldiaren buru Marta Barredo Mutualiako lehendakariordea eta Lourdes Iscar Osalaneko zuzendari nagusia izan dira, eta Iscarrek nabarmendu du oso garrantzitsua dela enpresek prebentzioaren kultura kalera eta gizartera eramatea.

CENTRAL FORESTAL (Smurfit Westrock) enpresari emandako 0Bidean saria Mikel Antón Akizu Central Forestal enpresako zuzendari nagusiak jaso du. CENTRAL FORESTAL lehen sektoreko enpresa bat da, eta zuraren ustiapena du jarduera nagusi. Alboan izan ditu Raúl Lavia Hernández, Laneko Arriskuen Prebentzioko koordinatzailea, eta Fernando Jimeno Bagüés, Giza Baliabideetako zuzendaria.

TRELLEBORG IZARRA SAU enpresari emandako saria Rafael García Rodríguez Giza Baliabideetako eta Lan Harremanetako zuzendariak eta Conchita Vergara Martínez Giza Baliabideetako teknikariak jaso dute. Enpresa hori industria-sektorekoa da, eta kautxua fabrikatzen du.

Horrenbestez, Mutualiak Central Forestal (Smurfil Westrock) eta Trelleborg Izarra SAU saritu ditu, prebentzioaren kultura sustatzen eta lan-eremu seguruak eta osasungarriak sortzen egindako lanagatik. Laneko istripuak murrizteko hartutako konpromiso eredugarriari eta laneko arriskuen prebentzioa kudeatzeko sistemen inplementazioari esker jaso dute 0Bidean 2025 Saria, eta, hala, berretsi dute langileen segurtasuna eta osasuna dela beren lehentasun nagusia.

5 maiatza, 202530 apirila, 2025-(e)an

Eskuetako higienea beti

Mutualia maiatzaren 5eko Eskuetako Higienearen Nazioarteko Egunarekin konprometituta dago, eta bat egin du aurten ere Osasunaren Mundu Erakundeak sustatutako kanpainarekin.

Aurten, Osasun Ministerioak zabaldutako “Eskularruak hala dagokionean, Eskuetako higienea beti” lelopean, gure pazienteen eta profesionalen segurtasunarekin eta osasunarekin dugun konpromisoa berresten dugu.

Mutualiak bat egiten du OMEk eta Osasun Ministerioak proposatutako ekintzekin:

Eskuetako higienean jardunbide optimoak sustatzea, hala nola higiene egokirako 5 urratsen gida erabiltzea eta eskularruak egoki erabiltzea arreta medikoaren fluxuaren barruan.

Eskuetako higienea erakundeen estrategietan eta erakundearen prozeduretan sar dadin sustatzea.

Eskularruak beharrik gabe erabiltzeak ingurumenean duen inpaktuari buruz kontzientziatzea.

Aurtengo kanpainak gogorarazten digu eskuetako higienea lehentasunezko neurria dela osasun-asistentziari lotutako infekzioak prebenitzeko eta mikroorganismo multirresistenteak barreiatzea saihesteko. OMEren bost une erabakigarrien arabera eskuetako higienea zaintzea eta eskularru egokiak erabiltzea funtsezkoak dira bizitzak salbatzeko.

Mutualian, hauen garrantzia gogorarazi nahi dugu:

OMEren bost uneen arabera eskuetako higienea zaindu eta eskularruak behar bezala erabili.

Eskuak garbitzeari eta eskularruak behar bezala erabiltzeari buruzko jarraibideak bete, eta gogoan izan eskularruek ez dutela eskuetako higienea ordezten.

Gure ingurumena zaindu. Aurten azpimarratzen da eskularruak behar ez bezala erabiltzeak baliabideak alferrik galdu eta hondakinak gehitzen dituela, eta ez duela nahitaez germenen transmisioa murrizten.

28 apirila, 202525 apirila, 2025-(e)an

Laneko Segurtasunaren eta Osasunaren Mundu Eguna

Urtero, Laneko Segurtasunaren eta Osasunaren Mundu Eguna ospatzen da apirilaren 28an Lanaren Nazioarteko Erakundeak (LNE) sustatuta. Egun hori aprobetxatu nahi izaten da laneko istripuak eta laneko gaixotasunak prebenitzeak duen garrantziari ikusgarritasun handiagoa emateko, edozein delarik enpresen tamaina eta sektorea, izan publikoak zein pribatuak.

Laneko Segurtasunaren eta Osasunaren 2025eko Mundu Eguna | International Labour Organization

Aurtengo mundu-egunaren ardatza izango da aztertzea digitalizazioak eta adimen artifizialak (AA) nola eragiten dioten langileen osasunari eta segurtasunari gai hau oinarri hartuta: “Iraultza segurtasunaren eta osasunaren sektorean: AAren eta digitalizazioaren zeregina lanean”. EU-OSHA erakundeak ere gai hori aztertuko du “Lan seguruak eta osasungarriak aro digitalean” izeneko bere kanpainan, eta arreta berezia eskainiko dio langileak AAren bidez kudeatzeari. Kanpaina horren berri zabaldu genuen Lan seguruak eta osasungarriak aro digitalean, 2023-2025. JARDUNBIDE EGOKIETARAKO SARIAK, eta gure dokumentazioa eskaini genuen Plataforma digitaletako lanetarako.

Egun horretan, Mutualiak bat egiten du LNEren kanpainarekin, eta bere laguntza eskaintzen die zenbait enpresa elkarturi nahi dituzten ekimenekin ospa dezaten osasunaren eguna, astea, hilabetea, edo nahi dutena.

Adibidez:

Easo Politeknikoari, “Prebentzio Begiradak” argazki-erakusketan erabilitako panelak utzi dizkiogu.

EITBri AHOTSA ondo erabiltzeko arrisku-faktoreen eta prebentzio-neurrien gure eskuliburua bidali diogu osasunaren astean erabil dezan; datuak bistaratzeko pantailen erabilerari buruzko informazioa eta lanpostuan etenaldi aktiboa egiteko ariketa fisikoetarako errutina batzuk ere bidali dizkiogu.

ASK CHEMICALi zenbait material bidali diogu osasunaren hilabetean erabil dezan, hala nola bulegoetan etenaldi aktiboa egiteari buruzko informazioa, elikadura osasungarriari buruzko infografiak eta adinarekin narriadura fisikoa eta kognitiboa prebenitzeko eta hobetzeko jarraibideak.

ArcelorMittal Sestaori zenbait jarduera eskaini dizkiogu, hala nola elikadura osasungarriari buruzko hitzaldi bat, nahasmendu muskulu-eskeletikoekiko sentsibilizazio-jardunaldi bat eta lanpostuan etenaldi aktiboa egitea. Siemens Gamesa Renewable Energy Eólicari ere halako jarduerak eskaini dizkiogu.

11 apirila, 20259 apirila, 2025-(e)an

Mutualia osasun-zentroen 2025eko Aste Santu eta Pazko asteko ordutegia

Mutualiako osasun-zentr oen ordutegia aldatu egingo da 2025ko Apirilaren 14tik (astelehenetik) 25era (ostiralera) (biak barne), zentroek ordutegi honetan jardungo dute:

Salbuespena Azkoitiko Zentroa izango da, itxita egongo baita.
Ordutegia: 8: 00etatik 15:30era

Ercilla eta Pakea klinikek 24 orduko ohiko zerbitzua dute.

Gasteizko Bereizmen Handiko Ospitaleak ere ohiko ordutegia mantenduko du 08:00etatik 20:00etara. Ordutegi horretatik kanpoko larrialdiak Vithas Ospitalean artatuko dira (lehengo San Jose Ospitalean).

Osasun-zentro bakoitzaren ordutegiak kontsulta ditzakezu HEMEN

ARABA

ERABAKIMEN HANDIKO OSPITALEA – VITORIA-GASTEIZ

Ordutegia mantentzen du 8:00etatik 20:00etara astelehenetik ostiralera.

Ordutegitik kanpo: Vithas Ospitalea (lehengo San Jose ospitalea)

LAUDIO

8:00etatik 15:30era

BIZKAIA

ERCILLA KLINIKA

24 ordu

Bizkaiko Mutualiaren osasun-zentroen ordutegia 8:00etatik 15:30etara izango da.

GIPUZKOA

PAKEA KLINIKA

24 ordu

Gipuzkoako Mutualiaren osasun-zentroen ordutegia 08:00etatik 15:30era izango da.

Azkoitiako zentroa itxita egongo da.

26 martxoa, 202527 martxoa, 2025-(e)an

BELLOTA Herramientas SLU eta KL katealegaia, 2025eko Mutualia Sarien irabazleak

Martxoaren 25ean gure 125. urteurrena ospatzearekin bat, Mutualia Sariak banatzeko ekitaldia egin dugu Gasteizko Mutualiako Erabakimen Handiko Ospitalean. Ekitaldian Mutualia Sariak, ZeroBidean Aitorpenak eta Prebentzio Begiraden Lehiaketako sariak eman dira.

Marta Barredo Mutualiako lehendakariordea arduratu da ekitaldiari hasiera emateaz, mutuaren 125 urteko historiari erreferentzia eginez eta mugarririk garrantzitsuenak nabarmenduz. Ondoren, Lourdes Iscar Osalaneko zuzendari nagusiak hau azpimarratu du bere hitzaldian: “Enpresek ere eraman behar dute prebentzioaren kultura kalera, gizartera”.

MUTUALIA SARIAK, berrikuntza eta aniztasuna

Mutualia Saria, laneko arriskuen prebentzioko Berrikuntza kategorian, Bellota Herramientas SLU enpresari eman zaio, proiektu honengatik: “DOJO (Segurtasunean entrenatzeko aretoa)”.

Arteche Lantegi Elkartea SA eta Bilbo-Basurtuko ESI finalistei accesit bana eman zaie kategoria horretan.

Mutualia Saria, Enpresako Aniztasunaren kategorian, KL katealegaia enpresarentzat izan da, proiektu honengatik: “Askotariko gaitasuneko pertsonen enplegagarritasuna lortzeko industrializazio-metodologia”.

CIC energiGUNE eta Gamesa Gearbox enpresa finalistei accesit bana eman zaie kategoria horretan.

ZEROBIDEAN AITORPENAK

Ekitaldian, ZeroBidean aitorpenak eman zaizkie Central Forestal (Smurfit Westrock) eta Trelleborg Izarra SAU enpresei, lan-istripuak murrizteko egindako lanagatik, zero istripuko azken helburua duena.

PREBENTZIO-BEGIRADEN LEHIAKETA

Eguneko beste une nabarmenetako bat izan da argazki, AAk sortutako irudi eta lan-arriskuen prebentzioari buruzko bideo labur onenarentzako Prebentzio Begiraden Lehiaketaren XXII. edizioaren sariak ematekoa. Hauek izan dira irabazleak: Carlos de Cos, argazkirik onenari; David Gómez Díez, bideo laburrik onenari; eta Danel Solabarrieta, adimen artifizialaren bidez sortutako irudirik onenari.

Ekitaldia diseinatzeko, Erronka Garbia metodologia erabili dugu; hain zuzen, Mutualiak ekitaldiak antolatzeko eta garatzeko txertatua duen prozedura, ingurumenean eragiten duten inpaktua murrizten duena.

Zorionak saritutako erakunde eta pertsonei, eta gure esker ona Mutualia Sarien edizio honetan beren proiektuekin parte hartu duten hautagaitza guztiei, bai eta gure 125. urteurrenaren ospakizuna gurekin bizitzera hurbildu diren pertsona guztiei.

21 martxoa, 202524 martxoa, 2025-(e)an

X. Mutualia Sarietako enpresa finalistak

Mutualia Sarien hamargarren ediziora aurkeztutako hautagaitza guztiak aztertu ondoren, Mutualiaren Prebentzio Aholkularitzako lantaldeak hautatu ditu proiektu finalistak. Aniztasuna Enpresan kategorian, berriz, erakunde hauek aurkezturikoak hautatu ditu: 

GAMESA GEARBOX

CIC energiGUNE

KL katealegaia

Eta Laneko Arriskuen Prebentzioko Berrikuntzaren kategorian, honako enpresa hauek aurkeztutako proiektuak hautatu ditu:

BELLOTA HERRAMIENTAS S.L.U.

ARTECHE LANTEGI ELKARTEGIA, S. A.

BILBO-BASURTUKO ESI / OSI BILBAO BASURTO

Kategoria bakoitzeko proiektu irabazlearen berri Mutualiak martxoaren 25ean Mutualiaren Gasteizko EHOn egingo duen ekitaldian izango dugu. Ekitaldia, gainera, laneko segurtasunaren, osasunaren eta aniztasunaren arloko erreferentziazko topaketa bat izango da. Ekitaldi hori erreferentziazko topaketa izango da enpresetako segurtasunerako, osasunerako eta aniztasunerako. Guneak estandak izango ditu eta David Delacamararen emanaldia izango da.

Ekitaldi horretan, Prebentzioko Begiradak lehiaketako sariak ere banatuko dira. Sari horiek Mutualiak urtero antolatzen duen lehiaketa honetara aurkeztutako argazki, IAren irudi eta bideo guztien artean aukeratuko dira, gizartea laneko segurtasunaren eta osasunaren garrantziaz kontzientziatzeko. Sari horiek irabazi dituzten lanak egun horretan ere ikusgai izango den “Prebentzioko Begiradak” erakusketa ibiltariari gehituko zaizkio.

Martxoaren 25eko topaketari amaiera emateko, 0bIdean aintzatespenak ere emango dira; horien bidez, Mutualiak aitortza egiten die laneko istripuak eta gaixotasun profesionalak murrizteko bide onean doazen eta laneko arriskuen prebentzioa egoki kudeatzen duten enpresei. Aurten, enpresa hauek nabarmenduko dira:

CENTRAL FORESTAL

TRELLEBORG IZARRA, S.A.U.

Zuen zain gaude!

6 martxoa, 20257 martxoa, 2025-(e)an

X. MUTUALIA SARIEN banaketa-ekitaldia

Ekitaldi hau Martxoaren 25ean izango da, 10:30etik 13:00etara, Mutualiaren Vitoria-Gasteizko EHOn.

Egitaraua

10:30 Mutualia Sarien ekitaldia

Mutualia Sarietako proiektu finalisten aurkezpena
Dani Delacámararen bakarrizketa-saioa
Prebentziozko Begiradak lehiaketako sari-banaketa
0Bidean Aitorpenen banaketa
Mutualia Sarien banaketa

13:00 Otordua

10:00etatik aurrera, prebentziorako teknologia erakustokiak bisitatu ahal izango dira.

Mutualiak doako autobus-zerbitzu bat jarriko du bertaratzen direnen eskura, Bilbotik eta Donostiatik irtengo dena.

Behin izena emanda, harremanetan jarriko gara.

Edukiera mugatua. Baieztatu parte hartzekoa bazara.

INSKRIPZIOA