Gure klinikek 24 orduko zerbitzua mantentzen dute: Ercilla eta Pakea 24 orduko zerbitzua eta Gasteizko Erabakimen Handiko Ospitaleak 08:00etatik 20:00etara. Ordutegiz kanpo eta jaiegunetan larrialdietako arreta zerbitzua eskainiko da San Jose Ospitalean.
Mutualia Araba laguntza-zentroen 2024 udako ordutegia
HAR Vitoria-Gasteiz: 8: 00etatik 20: 00etara mantenduko da astelehenetik ostiralera. Ordutegitik kanpo: San Jose Ospitalea. Abuztuaren 5etik 09ra (Andre Maria Zuriaren jaien astea) ordutegia 08:00etatik 15:30era izango da.
LAUDIO: Ekainaren 15etik irailaren 15era Ordutegia: 8:00 – 15:30 astelehenetik ostiralera
Mutualia Bizkaia laguntza-zentroen 2024 udako ordutegia
ERCILLA KLINIKA: 24 ordu
BASAURI, ERANDIO, GERNIKA, ZAMUDIO: Ekainaren 15etik irailaren 15era Ordutegia: 8:00 – 15:30 astelehenetik ostiralera
IURRETA, SANTURTZI: Uztailaren 15etik irailaren 15era Ordutegia: 8:00 – 15:30 astelehenetik ostiralera
2023-2027 aldirako Laneko Segurtasun eta Osasunerako Espainiako Estrategiak, Gizarte Segurantzaren prebentzio-jardueren plan orokorra aplikatuz, mutuei agintzen die helburu jakin batzuk betetzera bideratutako aholkularitza-, laguntza- eta informazio-ekintzak barne hartzeko beren programetan; helburu horietako bat da VISION ZERO hedatzea, lanari lotutako osasun-arazoei buruzkoa.
VISION ZERO mundu mailako kanpaina bat da, GIZARTE SEGURANTZAREN NAZIOARTEKO ELKARTEAK (GSNE) bultzatua, eta LANEKO SEGURTASUN ETA OSASUNERAKO EUROPAKO AGENTZIAREN (EU-OSHA) laguntza jasotzen du; kanpainak prebentzioari buruzko ikuspegi eraldatzailea du, hiru alderdi hauek integratzen baititu lanaren maila guztietan: segurtasuna, osasuna eta ongizatea.
Hiru alderdiak
Ideia honetan oinarritzen da ikuspegia: laguntzaileen ongizateak kalteak murrizten ditu, eta lanari lotutako kalteak prebentzio-kultura sendo bat eraikiz saihestu daitezke. Lan-ingurune osasungarriak sortzea du helburu, eta, kausak murriztuta, heriotzak, istripu larriak eta gaixotasun profesionalak prebenitzea da haren lehentasunik handiena.
VISION ZEROk soluzio zehatzak, malguak eta enpresa bakoitzaren premietara eta lehentasunetara egokitzen direnak proposatzen ditu, ez du betebeharrik ezartzen, eta ez du ez eperik eta ez ikuskaritzarik. Erakundeak berak ezarriko ditu bere aurrerapen-erritmoak, helburuak, egin beharreko ekintzak eta proiektuan lan egingo duten pertsonak. Malgutasun horri esker, VISION ZERO onuragarria da leku, enpresa eta industria guztietan, edozein dela ere haien tamaina eta munduko edozein eskualdetan.
Prebentzioa ulertzeko modu berri bat da, eta pertsonak dira osasunerako zero kalte izango duen lana diseinatzera eta mantentzera bideratutako estrategia horren ardatza. Pertsonen inplikazioari ematen zaio garrantzia gorabeherak ahalik eta ondoena kudeatzeko.
Lan-istripuak eta gaixotasun profesionalak ez dira patuaren emaitza, eta saihestu daitezke, beti kausaren batek eragiten baititu. Prebentzio-kultura sendo bat eraikita, kausak ezabatu daitezke, eta laneko kalteak prebenitu daitezke. Horregatik, hobetzeko aukera gisa ikusten dira istripuak.
Lan-arriskuen prebentzioari buruzko ikuspegi tradizionalaren eta VISION ZEROren arteko alderaketa
Ikuspegi tradizionala
VISION ZERO
Helburua: Istripuak eta gaixotasun profesionalak saihestea
Helburua: Lan-ingurune segurua
Lehentasuna: Lan-arriskuen prebentzioa
Lehentasuna: Segurtasuna, osasuna eta ongizatea
Motibazio estrintsekoa. Eginbehar gisa
Motibazio intrintsekoa: Uste osoz
Arriskuak kudeatzeko sistema
Lidergoaren eta ikaskuntzaren kultura
Jokabideak aldatzea / Akatsak saihestea
Pertsonak ahalduntzea, modu seguruan lan egin dezaten
LAP formala, dokumentala eta espezializatua
LAP dinamikoa eta partizipatiboa
Emaitzen adierazleak
Prebentzio-ahaleginaren adierazleak
Pertsonen jokabidea arazo gisa
Pertsonak soluzio gisa
Komunitaterekin bat egin nahi baduzu, esteka hauetan bidez egin ahal izango duzu:
Erakundeko langileak dira akatsak saihesteko eta aldaketak egiteko gakoa, baina, haien konpromisorik gabe, arauak eta dokumentazioa ez dira nahikoa zerbait aldatzeko.
Konpromisoa, komunikazioa, kultura prebentiboa eta akatsetatik ikastea dira Zero Ikuspegiranzko aldaketetan arrakasta lortzeko funtsezko 4 faktoreak
4 faktoreak
URREZKO 7 ARAUAK
VISION ZEROk proposatzen du lau faktoreak lantzea, Urrezko 7 Arauen bidez; arau horiek kudeaketa-kontzeptu eraginkor eta praktikoetan oinarritzen dira, eta, hala, ikuspegi proaktibo bat bultzatzeko aukera ematen dute, lantokian prebentzioaren kultura sustatzeko.
Langileen segurtasuna, osasuna eta ongizatea kudeatzeaz enplegatzailea bakarrik arduratzen den negozio eta enpresa txikietarako (enplegatzailea da erantzule bakarra). “VISION ZERO: enpresa txikietarako Urrezko 7 Arau” gida
VISION ZERO IKUSPEGIAri buruzko informazio gehiago eskuratzeko, https://visionzero.global/ kontsultatu dezakezue, edo harremanetan jar zaitezkete Mutualiako Prebentzio Aholkularitzarekin hemen: prebentzioa@mutualia.eus
Mundu guztian ospatzen da Ingurumenaren Mundu Eguna, eta “Gure lurrak, gure etorkizuna” da aurtengo leloa. Nazio Batuen Erakundeak dioenez, helburua gai hauei buruz kontzientziatzea da: ekosistemek dituzten arriskuak, lurzoruaren degradazioa, basamortuak eta lehorteak.
NBEk gogorarazi digu denbora amaitzen ari dela eta natura larrialdi-egoeran dagoela. Mende honetan berotze globala 1,5 °C-ren azpitik mantentzeko, berotegi-efektuko gasen urteko emisioak erdira jaitsi behar dira.
Klima-aldaketaren Euskadiko Estrategiak (KLIMA 2050) helburu hau ezarri du: 2030erako emisioak % 40 murriztea.
Mutualia eta karbono-aztarna
Karbono-aztarna neurtzea funtsezkoa da Mutualiaren jardueren eta eguneroko bizitzan guztiok sorrarazten ditugun emisioen ingurumen-inpaktua murrizten lagunduko diguten ekintzak identifikatzeko eta planifikatzeko.
Mutualiako lantalde batzuk modu koordinatuan ari dira lanean, irismen hauetako bakoitzaren inpaktua minimizatzen lagunduko duten hobekuntzak identifikatzeko eta proposatzeko:
Iturria: GHG Protocol
1 irismena: Gure jardueran sortzen diren guztiak
2 irismena: Berotegi-efektuko gasen emisioen iturri handienetako bat dira mundu mailan
3 irismena: Enpresa aitortzaile baten balio-katean sortzen diren zeharkako emisio guztiak barne hartzen ditu
Guztiok lagundu dezakegu KLIMA 2050en ezarritako helburua betetzen
Hona hemen ELD horrek ekarritako berritasun aipagarrienak:
Edoskitze-baimena (indarrean 2024ko maiatzaren 23tik aurrera)
Edoskitze-baimena metatzeko aukera, baldintzarik gabe. Azkenik, Langileen Estatutuaren 37.4 artikulua aldatu da, edoskitze-baimena metatuta baliatzeari dagokionez.
Gogorarazi behar da Langileen Estatutuak, oraingo aldaketaren aurreko idazketan, aukera ematen zuela edoskitze-baimena lanaldi osoetan metatuta baliatzeko baldin eta aukera hori negoziazio kolektiboan aurreikusita bazegoen edo langileak eta enpresak hala adosten bazuten.
Errege lege-dekretu honek, berriz, kendu egin ditu baldintza horiek (metatzea negoziazio kolektiboan jasota egotea eta alderdien artean adostea); horrenbestez, aurrerantzean, langileak nahierara eta oro har aukeratu ahal izango du modalitatea: absentzia, murrizketa edo metaketa.
Langabezia-babesa (indarrean 2024ko azaroaren 1etik aurrera)
Araudi berriak zenbait aldaketa jasotzen ditu langabezia-zerbitzuen estaldura eta sarbidea hobetzeko eta erregulazioa eta izapideak sinplifikatzeko. Helburua da prestazioa eskuratzeko malgutasun handiagoa ematea eta administrazio-kargak murriztea. Bestalde, langabezia-subsidio eta -prestazioak lan-jarduerarekin bateragarri egiteko aukera ere jasotzen du.
Asistentziari dagozkion neurrien artean, honako hauek daude:
Bi mota orokortu dira; aurreko enplegua galtzearekin edo prestazio kontributiboa agortzearekin lotura zuzena duen egoeran dauden langabeak izango dira araubide berriaren hartzaile.
Subsidioen iraupena berdindu da, eta prestazio kontributiboa agortzeagatiko subsidioen iraupena sinplifikatu da: familia-erantzukizunak dituztenen prestazio kontributiboa agortzeagatiko subsidioaren iraupena berdindu da, adina edozein dela ere, eta kotizazio urriengatiko subsidioaren iraupenari eutsi zaio, kotizatutako hilabete kopuruarekiko proportzionala.
Talde gehiagotara zabaldu da: familia-erantzukizunik gabeko 45 urtetik beherakoentzat, 360 egun agortuz gero, eta 6 hilabetetik beherako kotizazioaldiak egiaztatzen dituztenentzat (familia-erantzukizunik gabe), nekazaritzako behin-behineko langileentzat eta Ceuta eta Melillako mugaz gaindiko langileentzat.
Subsidioak hiru hileko aldietarako aitortzen dira, eta errentarik edo familia-erantzukizunik ez izateko baldintzak hilabete natural bakoitzean bete beharko dira.
52 urtetik gorakoen subsidioa, zenbateko finkoari eutsi zaio; ez da aldatu. Dena den, konpentsazio gisa, subsidio horrek gehiago iraungo du, eta erretiro-kontingentziagatiko kotizazioak ere izango ditu, gainerako subsidioek ez bezala.
Subsidioetarako familia-erantzukizunak (familia-kargak) egiaztatzeko modu berria: eskatzailea ez da baztertuko lanbide arteko gutxieneko soldataren ehuneko 75etik gorako errenta propioak jasotzeagatik; bestalde, arauak ezartzen duenez, familia-erantzukizunak egongo dira baldin eta familia-unitatearen errenten guztizkoak zati familia-unitatea osatzen duten pertsonen kopurua (eskatzailea barne) lanbide arteko gutxieneko soldataren ehuneko 75 gainditzen ez badu.
Agortzeagatiko eta kotizazio urriengatiko subsidioen zenbatekoa aldatzen da: hiru tartetan banatutako beheranzko zenbatekoa duen formula bat sartu da, eta lanaldi partzialean lan egindako orduen araberako kenkari proportzionala kendu da. Azkenik, prestazio kontributiborako nahikoak ez diren kotizazioengatiko subsidioaren zenbatekoa arautzean, prestazio kontributiboari begira ezarritakoaren antzeko aurreikuspen bat gehitu zaio seme-alabak jaiotzeagatiko, legezko zaintzagatiko, genero-indarkeriaren biktima izategatiko eta araututako gainerako kasuengatiko lanaldi-murrizketako egoera batetik sartzen diren kasuetarako.
Langabezia-subsidioaren eta besteren konturako lanaren bateragarritasun berriak: ehun eta laurogei egunera arteko bateragarritasuna onartzen da, lan-harreman batean zein gehiagotan, lanera itzultzea ez zigortzeko. Subsidioa besteren konturako lanarekin bateragarri den kasu horietan, enpleguari laguntzeko osagarri gisa jasoko da, haren izaera juridikoa aldatu gabe. Benetan izango da subsidioa lanarekin bateragarri egiteko modu berri bat.
Halaber, ezarri da subsidioa bateragarria izango dela lanbide-heziketako ekintzetara joateagatik edo lanean heziketako ekintzak egiteagatik edo ikasketa-planaren parte diren kanpoko praktika akademikoak egiteko jasotzen diren diru-sariekin.
Prestazioa jarduera-akordio bati eta ibilbide edo plan pertsonalizatu bati lotzen zaio.
Langabezia-prestazioa eta subsidioa eteteko arrazoi berri bat: jarduera-akordioa etetea.
Araubide iragankor bat ezarri da langabezia-babeseko asistentzia-mailari dagokionez.
Nekazaritzako behin-behineko langileen langabezia-babesa bateratzea.
Subsidiotik bizitzeko gutxieneko diru-sarreraren prestaziorako trantsizioa arautu da.
Negoziazio kolektiboa (indarrean 2024ko maiatzaren 23tik aurrera)
Hitzarmen kolektibo autonomikoek eta probintzialek izango dute aplikatzeko lehentasuna. Langileen Estatutuaren 84. artikulua aldatu da, autonomia-erkidegoen eremuan negoziazio kolektiboaren erregulazioa hobetzeko.
Ordezkaritza handieneko sindikatuek eta enpresaburu-elkarteek autonomia-erkidegoko hitzarmen kolektiboak eta lanbide arteko akordioak negoziatu ahal izango dituzte. Hitzarmen eta akordio horiek aplikatzeko lehentasuna izango dute estatuko beste edozein sektore-hitzarmen edo akordioren gainetik, betiere haietan ezarritakoa langileentzat onuragarriagoa bada estatuko hitzarmen edo akordioan ezarritakoa baino.
Probintziako hitzarmen kolektiboek ere aplikazio-lehentasun bera izan ahalko dute, baldin eta hala aurreikusten bada autonomia-erkidegoaren eremuko lanbide arteko akordioetan, betiere haietan ezarritakoa langileentzat onuragarriagoa bada estatuko hitzarmen edo akordioan ezarritakoa baino.
Nolanahi ere, gai negoziaezintzat joko dira probaldia, kontratazio-modalitateak, lanbide-sailkapena, urteko gehieneko lanaldia, diziplina-araubidea, laneko arriskuen prebentzioko gutxieneko arauak eta mugigarritasun geografikoa.
Mutualiak, maiatzaren 21ean Gasteizko Erabakimen Handiko Ospitalean “Aniztasuna enpresetan. Erronkak eta aukerak” jardunaldia egin du, “Mutualiaren aniztasunaren astearen” programatuta dituen ekitaldien barruan.
Ignacio Lekunberri Hormaetxea, Mutualiako zuzendari gerenteak ongietorria eman, eztabaida testuinguruan kokatu eta eskerrak eman dizkie agintari eta hizlariei. Bere hitzaldian adierazi du beharrezkoa dela enpresek inklusio-estrategia bat diseinatzea, gizartearen aniztasunaren isla zehatza izateko. Eta enpresen betebeharra da, halaber, beren interes-talde guztiak sentsibilizatzea eta mobilizatzea, gizarte berdintasun eta bidezkoagoa lortzeko.
Nerea Melgosa, Berdintasun, Eusko Jaurlaritzako Berdintasun, Justizia eta Gizarte Politiketako sailburuak parte hartu du jardunaldian, eta azpimarratu du Eusko Jaurlaritzak balio partekatuen inguruko Euskadi baten alde lan egiten duela, “Euskadi balio partekatuen inguruan eraikitzeko, bizikidetzaren eta berdintasunaren erronkari aniztasunaren barruan bere dimentsio guztietan helduz. Euskadikoa gizarte anitza, plurala, solidarioa eta irekia da. Gainera, kohesionatua ere izan behar du, eta neurri handi batean hala da”.
Mutualiak eskerrak eman nahi dizkie eztabaida-mahaia osatu duten hizlariei, parte hartzeagatik eta egindako ekarpenengatik: Pedro De la Torre, FEKOOR; Lidia Kinson Buento, AMAFRIKA; Pablo Moratalla, EHLABE; eta Borja Sainz de Aja, REDI.LGBTI.
Gorka Urtaran Agirre, Gizarte Politikako foru-diputatuak itxi du ekitaldia. Teresa Laespada, Enplegu, Gizarte Kohesio eta Berdintasunerako foru diputatua, eta Adolfo Lander Vera, Arabako senataria, ere izan dira ekitaldian. Jardunaldia Pilar Kaltzadak aurkeztu eta moderatu du.
Jardunaldiaren diseinuan eta antolaketan ingurumen-neurriak txertatu dira, Erronka Garbia metodologiari jarraituz, ekitaldi jasangarri gisa.
Mutualiak erabaki du 2024a Dibertsitatearen Urtea izango dela mutuan. Hori ospatzeko, sentsibilizazio- eta kontzientziazio-ekintzak egiten ari da kultura inklusiboa bultzatzeko; hots, erakundearen interes-taldeak osatzen dituzten pertsona guztien identitatea, berezitasunak eta dignitatea aintzatetsi eta defendatuko dituen kultura bultzatzeko. Mutualiak aurreiritziak eta desberdintasun- eta diskriminazio-egoerak murrizten lagundu nahi du, gizarte askotarikoa eta inklusiboa lortzeko.
“ZORION KORPORATIBOA, NEUROMANAGEMENTA ETA ERRESILIENTZIA”
Apirilaren 28an Laneko Segurtasunaren eta Osasunaren Mundu Eguna izango da, eta Mutualiak, aurreko urteetan bezala, ekitaldi bat egingo du datorren ostiralean, apirilaren 26an, Bilboko Yimby Ercilla aretoan.
EKITALDIAREN EGITARAUA
12:00 Ekitaldiaren hasiera eta hitzaldiaren aurkezpena
12:15 Hitzaldia: “Zorion korporatiboa, neuromanagementa eta erresilientzia”, Thais Alonso
Ekitaldia 12:00etan hasiko da, eta Thais Alonsok parte hartuko du. Thais adimen emozionalean, neurozientzian, antolakuntza-zoriontasunean eta ongizate korporatiboan aditua da, eta “Zorion korporatiboa, neuromanagementa eta erresilientzia” hitzaldia emango du.
Ondoren, Prebentziozko Begiradak lehiaketaren XXI. edizioko kategoria guztietako irabazleen berri emango da, eta 0Bidean 2024 aitortzak jaso dituzten enpresen izenak jakinaraziko dira. Aintzatespen horiek laneko ezbeharrak murrizten bikain laguntzen duten enpresak saritzen dituzte. Aurten, enpresa hauek jaso dute aitortza:
Mutualiako osasun-zentroen ordutegia aldatu egingo da 2024KO MARTXOAREN 25ETIK APIRILAREN 5ERA (biak barne).
Ercilla eta Pakea klinikek 24 orduko ohiko zerbitzua dute.
Gasteizko Bereizmen Handiko Ospitaleak ere ohiko ordutegia mantenduko du 08:00etatik 20:00etara. Ordutegi horretatik kanpoko larrialdiak Vithas Ospitalean artatuko dira (lehengo San Jose Ospitalean).
Otsailaren 21ean, Humans Fundazioak Humans Sarien II. Edizioko eta Humanizazio Proiektu Onenen Lehiaketako sariak banatu zituen zuen Comillasko Eliz Unibertsitateko (Madril) areto nagusian.
Humans Sariak bi helbururekin sortu ziren, Julio Zarco presidenteak adierazi duen bezala; alde batetik, humanizazioaren esperientzia azpimarratzea, bai nazio mailan, bai nazioartean, eta, bestetik, pazienteen esperientzia humanizatzeko eta, beraz, hobetzeko lan egiten duten pertsonak eta erakundeak aintzatestea. Sariak banatzeko ekitaldian askotariko erakundeek jaso dute aitorpena, kategoria hauetan: Gizarte zibila, Erakundea, Komunikazioa, Enpresa-mundua eta Nortasuna. Aditu entzutetsuek eta erakunde garrantzitsuetako ordezkariek osatutako epaimahaiak erabaki du Mutualiari ematea “Humanizazio Saria” “Enpresa-mundua” kategorian, osasun-asistentzia humanizatzeko egiten duen lanagatik.
Saria Cristina Perucho doktoreak jaso du,Mutualiako mediku errehabilitatzaile eta Osasun Laguntza Pertsonalizatzeko Batzordeko arduradunak. Erakundeak osasun-laguntza hobetzearen alde egiten duen apustua ordezkatzen du batzorde horrek. Diziplina anitzeko talde batek osatzen du batzordea, eta haien lanaren eta ilusioaren ardatza da osasun-laguntzaren fokua pertsonengan jartzea (profesionalen zein pazienteen ikuspuntutik).
Osasun-laguntza gertukoa eta kalitatezkoa eskaintzeko konpromisoa landu du Mutualiak bere ibilbidean. 2023an Humans Ziurtagiria (A gradua) eskuratu zuen. Ziurtagiri horrek osasun-laguntza humanizatzeko eta hobetzeko neurriak ezarri izana aitortzen du. Mutualiak Osasun Laguntza Pertsonalizatzeko Batzordea (OLPB) du. Batzorde hori arduratzen da jarduera asistentzialaren kudeaketa-sistema aztertzeaz eta arretaren eta kalitate asistentzialaren hobekuntza-lerroak sustatzeaz. Zeregin horretan beti hartzen ditu aintzat pazienteen eta haien ingurunearen premiak, bai eta osasun-profesionalenak ere.
Lehiaketari izena aldatzeaz gain, beste modalitate bat sortu dugu: bideo labur onenaren saria. Sariaren helburua da, lan-istripuen eta gaixotasun profesionalen prebentzioari buruzko mezuak zabaltzea eta enpresa osasungarriaren eredua sustatzea, animazioen, grabazioen eta abarren bidez.
Modalitateak:
Argazki onenaren saria, 1.200 €
Adimen artifizialaren bidez sortutako irudi onenaren saria, 600 €
Bideo labur onenaren saria, 1.200
Material guztiek laneko arriskuen prebentzioa landu behar dute, estatuko errealitatean bakarrik jarriz arreta eta prebentzioaren balioak nabarmenduz, dela arrisku-egoerak dela jardunbide egokiak aipatuz, azken horien balioespen positiboa egingo delarik.
Epea 2024ko martxoaren 31n bukatuko da. Lehiaketaren epaia 2024ko apirilean jakinaraziko da, Laneko Segurtasun eta Osasunaren Munduko Egunaren harira Mutualiak egingo duen ekitaldian.
Parte-hartzea doakoa da, eta lehiaketan parte hartzeak berekin dakar oinarriak erabat onartzea.
